Թուլուզում մարդասպանին բռնելու հատուկ գործողությանը հետեւող լրագրողները հատնել են, որ այն տան մոտ, որտեղ փակված է հանցագործը, պայթյուն է տեղի ունեցել: Ըստ նրանց` ձայնը լսվել է մի քանի հարյուր մետրից:
Կա տեղեկություն, որ հանցագործն իր մոտ ունեցած ատրճանակը փոխանակել է կապի միջոցների հետ: Սակայն ներկայումս տղամարդը զինված է Կալաշնիկով ինքնաձիգով եւ Uzi ատրճանակ-գնդացրով:
Sky News-ն առաջին անգամ հայտնում է կասկածյալի անունը` Մոհամեդ Մերա, նա 24 տարեկան է, ծագումով Ալժիրից է:
Reuters-ը հաղորդում է, որ տանը նստած ահաբեկիչը պատրաստվում է ոստիկանությանը հանձնվել այսօր` մարտի 21-ին, «օրվա երկրորդ կեսին»:
Ֆրանսիական ՆԳՆ-ի ղեկավար Կլոդ Գեանը, որն անձամբ է ղեկավարում գործողությունը, գործակալությանը հայտնել է, որ բանակցությունների ընթացքում մեղադրյալը խոստացել է այսօր հանձնվել ոստիկանությանը: «Մենք մտադիր ենք նրան ողջ վերցնել, որպեսզի նա կանգնի դատարանի առաջ», - ավելացրել է Գեանը:
Հիշեցնենք, որ հրաձգության երկրորդ մասնակցին` փակված հանցագործի եղբորն արդեն ձերբակալել են: Հատուկ գործողության ընթացքում վնասվածքներ են ստացել երեք ոստիկաններ:
