Ֆիլիպ Կիրկորովի բենեֆիսին եւ նրա 45-ամյակին նվիրված «Հանրապետության հարստությունը» շոուի նկարահանումներին Ալլա Պուգաչովան նախկին ամուսնուն այլ աշխարհ է ուղարկել: Կիրկորովը հոբելյանը նշելու է ապրիլի 30-ին:
Ինչպես պատմել են դահլիճում ներկա անձինք, Պուգաչովային հարցրել են, թե որն է իր սիրելի երգը Կիրկորովի երգացանկից, իսկ նա պատասխանել է. «Տի, տի, տի»:
Լսելով դա` Կիրկորովը սկսել է երգել. «Եթե դու ինձ դադարես սիրել, ես կմեռնեմ հենց այդ գիշեր…»: Պուգաչովան կտրուկ միջամտել եւ ասել է. «Դե մեռի…»:
Սրահում լռություն է տիրել, եւ իրավիճակը հարթել է Պուգաչովան` ասելով, թե ամեն անգամ այդ բառերն էր ուզում ասել, երբ լսում էր այդ տողերը: Բոլորը ծիծաղել են բացի Կիրկորովից: