Ռուսական գյուղատնտեսական վերահսկողությունը կարող է արգելել Ադրբեջանից բուսական արտադրանքի մատակարարումը: Պատժամիջոցի կարող են ենթարկվել նաեւ Տաջիկստանն ու Ուզբեկստանը:
Ինչպես հայտնել են Դաղստանի գյուղատնտեսական վերահսկողությունից, որոշ չրերի փաթեթներում հայտնաբերվել են վնասակար օրգանիզմներ:
Վարչության տեղեկություններով, Ադրբեջանից բերված ծիրանի, տանձի սերմերում հայտնաբերվել են արեւելյան թիթեռներ
Դաղստանի հարցերով գյուղատնտեսական վերահսկողությունից հայտնել են, որ ուժեղացնելու են վերահսկողությունը բուսական արտադրանքի բուսասանիտարական վիճակի հարցում, որը բերվում է Ադրբեջանից, Ուզբեկստանից եւ Տաջիկստանից, հաղորդում է «Ռոսբալթ»-ը: