«Յունիբանկը» որոշել է 2012թ.-ի ընթացքում բացել եւս 8 մասնաճյուղ` տեղեկացնում են Բանկի հասարակայնության հետ կապերի ծառայությունից: Այդ կերպ «Յունիբանկը» ձգտում է հաճախորդին տրամադրել առավել հարմար եւ արագ` «մեկ քայլ հեռավորությամբ» բանկային ծառայություններ: Ներկա դրությամբ բանկի սպասարկման ցանցն ընդգրկում է 39 մասնաճյուղ եւ ներկայացուցչություն Մոսկվայում:
Արդեն ապրիլին «Յունիբանկի» երկու նոր` մայրաքաղաքի կենտրոնում եւ Արաբկիր վարչական շրջանում գտնվող մասնաճյուղերը կսկսեն հաճախորդների սպասարկումը: Մասնաճյուղերը կսպասարկեն ինչպես ֆիզիկական, այնպես էլ իրավաբանական անձանց եւ կառաջարկեն բանկային ծառայությունների ողջ տեսականին` ավանդների ներգրավում, սպառողական եւ բիզնես վարկավորում, բանկային քարտերի տրամադրում եւ սպասարկում, UNISTREAM դրամական փոխանցումների իրականացում, հաշվարկադրամարկղային սպասարկում, արտարժույթի փոխանակում եւ այլն:
Ապրիլին նախատեսվում է նաեւ «Գյումրի» մասնաճյուղի տեղափոխումը նոր, բանկի կորպորատիվ ոճով կառուցված եւ սպասարկման համար առավել հարմարավետ երկհարկանի շինություն: