«Հայկական ժամանակ» թերթը գրում է. «Հունվարի 25-ին՝ վաղը, տեղի է ունենալու Երեւանի նախկին քաղաքապետ, ԵԿՄ նախկին փոխնախագահ եւ ԱԺ նախկին փոխնախագահ Ալբերտ Բազեյանի որդու հարսանիքը: Հարսանիքը տեղի է ունենալու «Ռենեսանս» համալիրում, հրավիրված են սահմանափակ թվով մարդիկ: Հրավիրյալների մեջ է նաեւ ՊՆախարար Սեյրան Օհանյանը, ով Բազեյանի ընկերն է, սակայն հայտնի չէ՝ սահմանային վերջին դեպքերից հետո կմասնակցի՞ հարսանիքին, թե ոչ:
Ի դեպ, Բազեյանը, ով ԼՂՀ ՊԲ նախկին հրամանատար Սամվել Բաբայանի պատճառով հայտնվել էր բավական վատ վիճակում եւ առողջական խնդիրներ ուներ, մեր տեղեկություններով արդեն լավ է: Հիշեցնենք, Բաբայանը հայաստանյան բանկերից մեկում գրավ էր դրել Բազեյանի ու եւս մի քանի հայտնի անձանց տները եւ մեկնել Ռուսաստան: Մինչեւ այսօր ոչ ոք ճշգրիտ չգիտի, թե որտեղ է նա եւ ինչով է զբաղվում»։
Առավել մանրամասն՝ թերթի այսօրվա համարում
