«Հայկական ժամանակ» թերթը գրում է. «Հայաստանին Ստրասբուրգում կարծես թե ծանր օրեր են սպասվում ու դատելով ամեն ինչից՝ Ադրբեջանը չի հաշտվի Եվրոպայի խորհրդր խորհրդարանական վեհաժողովում իրար հետեւից կրած երկու անհաջողությունների հետ:
Երեկ մեզ հայտնի դարձավ, որ Թուրքիայի պատվիրակությունը դիմել է ԵԽԽՎ նախագահին՝ մեծացնելու իր երկրի պատվիրակության կազմը: Թուրքիայի հիմնական կազմն այս պահին 12 հոգանոց է, փոխարինող կազմը եւս 12: Բանն այն է, որ երկրների պատվիրակությունների կազմը կախված է տվյալ երկրի բնակչության թվից, եւ Թուրքիան իր դիմումում հիմնավորել է, որ իր բնակչության թիվն աճել է: Ըստ այդմ՝ Թուրքիան կմեծացնի նաեւ իր անդամավճարը:
Թուրքիան տարեկան ավելի քան 20 մլն եվրո անդամավճար է մուծելու ԵԽԽՎ-ին եւ ըստ ամենայնի՝ կդառնա Ռուսաստանից հետո երկրորդ խոշոր «հարկատուն» ԵԽԽՎ-ում՝ իր բոլոր հետեւանքներով՝ ազդեցության ավելացում, ձայնի ավելացում եւ այլն:
Թե ի՞նչ է սա նշանակում՝ թերեւս հարկ չկա մանրամասնելու:
Տեղեկություններ կան նաեւ, որ Ադրբեջանը փորձում է Ղարաբաղի վերաբերյալ նոր փաստաթուղթ դնել շրջանառության մեջ, որն անելու է մոնիտորինգի հանձնաժողովում Ադրբեջանի ջանքերով ջանքերով վերջերս ստեղծված ԵՄ անդամ երկրների միջեւ կոնֆլիկտների կարգավորման հարցով ենթահանձնաժողովի շրջանակներում»:
Առավել մանրամասն՝ թերթի այսօրվա համարում