Թերթը գրում է, որ Թուրքիայի արտգործնախարարության նախաձեռնությամբ` հայերեն իմացող դիվանագետներ պատրաստելու գործը հանձնարարվել է «Քադըր Հաս» համալսարանին կից «Հարեւան լեզուների ակադեմիային»:
Նախագծին աջակցող ԱՄՆ «Մարշալի հիմնադրամը» 32,5 հազար դոլարի ֆինանսական աջակցություն է ցուցաբերել նախաձեռնությանը: Թուրքական պետությունն իր վրա է վերցրել հայերեն սովորել ցանկացողների ուսման վարձը:
Ակադեմիայի կրթական կենտրոնի տնօրեն Սերդար Դինլերը հայտարարել է, որ Երեւանից հրավիրել է հայերենի մասնագետ, որին հնարավորություն է ընձեռվել ակադեմիական կարիերան շարունակել «Քադըր Հաս» համալսարանում:
