Կայքի շարժական տարբերակն արդեն հասանելի է. ՓՈՐՁԵՔ ԱՅՆx

Արխիվ

Partner News

«168 ժամ». Պայմանավորվածություն է ձեռք բերվել 41 մեծամասնական ընտրատարածքները բաժանելու վերաբերյալ

Փետրվար 04, 2012

Թերթը գրում է, որ իր տեղեկություններով, կոալիցիոն երեք կուսակցությունները վերջին հանդիպումների արդյունքում 41 մեծամասնական ընտրատարածքները բաժանելու հետ կապված որոշակի պայմանավորվածություն են ձեռք բերել: «Եվ այդ նախնական պայմանավորվածության համաձայն` 23 ընտրատարածք բաժին է հասել ՀՀԿ-ին: Սա նշանակում է, որ կոալիցիոն մյուս երկու կուսակցություններն այդ ընտրատարածքներում թեկնածուներ չպետք է առաջադրեն: Նույն սկզբունքով 7 ընտրատարածք տրվել է ԲՀԿ-ին, 2 ընտրատարածք` ՕԵԿ-ին: Մեկ ընտրատարածք առանձնացվել է ՀՅԴ խմբակցության անդամ, բայց անկուսակցական, «Ավշար» ընկերության սեփականատեր Արայիկ Գրիգորյանի համար, ով նախորդ անգամ պատգամավոր էր դարձել ՀՅԴ համամասնական ցուցակով: Իսկ մյուս ընտրատարածքներում տեղի կունենա, այսպես ասած, «ազատ մրցակցություն»: Իհարկե, չի բացառվում, որ մինչև առաջադրման շրջանն այս թվերը փոփոխության ենթարկվեն, բայց, թերթի տեղեկություններով, իշխանությունները պայմանավորվել են այս մասնաբաժիններով բաժանել մեծամասնական ընտրատարածքները»,- գրում է «168 ժամ»-ը:


Լուրեր Հայաստանից - NEWS.am