Թերթը գրում է, որ քարոզարշավը դեռ նոր-նոր է հունի մեջ մտնում, բայց վերեւներում արդեն նախարարական պաշտոնների փոխատեղումների քննարկում է ընթանում:
« Մեր աղբյուրները պնդում են, որ, երբ ձեւավորվի նոր կառավարություն, ՀՀԿ-ն եւ ԲՀԿ-ն կփոխանակեն առողջապահության եւ կրթության եւ գիտության նախարարների պորտֆելները` առողջապահության նախարարը կնշանակվի ՀՀԿ քվոտայով, իսկ ԿԳ նախարարի պորտֆելին կտիրանա ԲՀԿ-ն:
Ի դեպ, ըստ մեր տեղեկությունների` կրթության եւ գիտության նախարար Արմեն Աշոտյանն այնքան էլ դեմ չէ իր պորտֆելը հանձնելուն: Նա նախընտրում է ավելի հանգիստ պաշտոն, ասենք` դեսպան որեւէ երկրում:
Հակառակ նրան` առողջապահության ԲՀԿ-ական նախարար Հարություն Քուշկյանը չի կարողանում համակերպվել նախարարի պաշտոնը թողնելու մտքի հետ»,- գրում է «Երկիրը»: