Թերթի տեղեկություններով` «Ժառանգություն» կուսակցության համամասնական ցուցակը մի շարք փոփոխությունների է ենթարկվելու:
«Կուսակցության նախագահ Րաֆֆի Հովհաննիսյանը հրաժարվելու է մանդատից: Նրա փոխարեն խորհրդարան կգնա կուսակցության համամասնական ցուցակի 14-րդ հորիզոնականը զբաղեցնող Անահիտ Բաշխյանը:
Արդեն այսօր լուրեր էին շրջանառվում, թե ցուցակի երրորդ համարը` Զարուհի Փոստանջյանը, եւս վայր է դնելու մանդատը: Լուրն, ի դեպ, մեր հետ զրույցում Փոստանջյանը ոչ հերքեց, ոչ էլ հաստատեց:
Մեզ հասած տեղեկությունների համաձայն` եթե Փոստանջյանը հրաժարվի մանդատից, ապա նրա փոխարեն խորհրդարան կգնա Ստեփան Սաֆարյանը: Այսպիսով` խորհրդարանում կլինեն Խաչատուր Քոքոբելյանը, Ստեփան Սաֆարյանը, Ալիկ Արզումանյանը, Ռուբեն Հակոբյանը եւ Անահիտ Բախշյանը»,- գրում է թերթը: