«Կարծում եմ՝ քաղաքապետը, ինչպես միշտ, հոգեհարազատ մնաց իր եւ՛ գործելակերպին, եւ՛ դիրքորոշմանը: Այսինքն՝ ինչպես միշտ, ականջալուր եղավ իր հենարանին՝ երեւանցուն եւ նրա կարծիքին: Բայց նաեւ իր պարտականությունն է համարում բարձրաձայնել եւ լուծումներ տալ երեւանցու ու քաղաքի համար կարեւոր, էական նշանակություն ունեցող բոլոր հարցերին, այդ թվում նաեւ՝ տրանսպորտային խնդրին»,- «Առավոտ» թերթի հետ զրույցում, անդրադառնալով այն ամենին, ինչ տեղի ունեցավ Երեւանում մի քանի օր առաջ՝ կապված ուղեվարձի թանկացման հետ, ասել է ՀՀ ԱԺ փոխնախագահ Հերմինե Նաղդալյանը:
