«Առավոտ» թերթը գրում է. «Երեկ Տավուշի մարզպետ Արմեն Ղուլարյանը հրաժեշտի հանդիպում է ունեցել մարզպետարանի աշխատակազմի հետ: Մեր տեղեկություններով` Արմեն Ղուլարյանը աշխատանքի է տեղափոխվում Երեւան` որպես քաղաքաշինության փոխնախարար կամ անշարժ գույքի կադաստրի պետական ծառայության պետ: Հավաստի տեղեկություններով` արդեն այս շաբաթ, Տավուշի մարզպետ է նշանակվելու ՀՀԿ Նոյեմբերյանի տարածքային կազմակերպության ղեկավար, ԱԺ նախկին պատգամավոր Հովիկ Աբովյանը, որը ներկայումս զբաղեցնում է Գուգարքի տարածաշրջանային մաքսատան պետի պաշտոնը: Հովիկ Աբովյանի անունը երբեւէ չի շոշափվել աղմկահարույց պատմությունների մեջ, նա բնակվում է հայրենի Կողբ գյուղում»։
Առավել մանրամասն` թերթի այսօրվա համարում