«Հրապարակը» գրում է. «Կառավարությունում շարունակում են կառուցվածքային օպտիմիզացիայի համար ֆինանսական ռեսուրսներ փնտրել:
Ֆինանսների նախարար Գագիկ Խաչատրյանը փորձում է ոչ միայն օպտիմիզացնել ֆունկցիոնալ ընդհանրություն ունեցող նախարարությունները` միացնելով միմյանց, ասենք՝ երիտասարդության հարցերը ներառել մշակույթի նախարարության մեջ, այնպես էլ կրճատել է «ծախսերը»` «կիրառելով» շքեղության հարկ: Ասենք՝ հինգաստղանի հյուրանոցները «փոխարինվել» են 4-ի, 3-ի եւ այլն, ինչը դժգոհություն է առաջացրել նախարարների, հատկապես Հովիկ Աբրահամյանին «մոտ» կանգնածների մոտ:
Ընդհանրապես հակասությունները «սուպերների» եւ «անսուպերների» միջեւ խորանում են: Բայց այլ խնդիր էլ կա՝ պետական գանձարանը դատարկ է»:
