«Հրապարակը» գրում է. «Նոյեմբերյանի քաղաքապետ Վանուշ Ամիրաղյանը երեկ մեզ հայտնեց, որ վերջին երեք օրերին սահմանը հանգիստ է, եւ քչացել են կրակոցները: Մի քանի օր փակված սահմանամերձ գյուղերի ճանապարհները երեկ բացվել են, քաղաքապետն Այգեպարի բացված ճանապարհով երթեւեկում էր մեր զրույցի ընթացքում եւ ասում, որ վտանգն անցել է:
ԼՂՀ-ից էլ լուր ստացանք՝ հրամանատարական կազմի որոշ հատվածին, 10-օրյա լարված հերթապահությունից հետո, ուղարկել են տուն՝ հանգստանալու»:
