«Հրապարակը» գրում է. «Հայաստանի պետական տնտեսագիտական համալսարանի ֆինանսական ֆակուլտետի դեկան Զաքար Կիրակոսյանը նախօրեին ավտովթարի է ենթարկվել։ Օգոստոսի 14-ի երեկոյան «Գրիգոր Լուսավորիչ» բժշկական կենտրոն տեղափոխված Զաքար Կիրակոսյանը ծանր գանգուղեղային տրավմա է ստացել։
Ականատեսները պատմում են, որ «ԿամԱԶ» մակնիշի մեքենան դուրս է եկել նրա դիմաց, Զաքար Կիրակոսյանը փորձել է խուսանավել, մեքենան շրջվել է, եւ նա ծանր վնասվածքներ է ստացել։
«Գրիգոր Լուսավորիչ» հիվանդանոցից մեզ տեղեկացրին, որ դեկանը, բացի ծանր գանգային տրամվայից, ունի նաեւ պոլիտրավմա եւ գտնվում է կոմատոզ վիճակում»։
