«Հայոց աշխարհ» թերթը գրում է. «Թերեւս ունեք նախնական դիտարկումներ՝ որքանով կատարվել են ձեր պահանջները. հայտարարությամբ ամրագրված «վերջնաժամկետը»՝ սեպտեմբերի 30-ը, սարերի հետեւում չէ, եւ արմատական փոփոխություններ այդ ընթացքում դժվար թե արձանագրվեն։
Պատասխանելով «Հայոց Աշխարհ»-ի այս հարցին, ԲՀԿ խմբակցության անդամ Ստեփան Մարգարյանը նշեց. «Դուք ճիշտ եք՝ արմատական փոփոխություն դժվար է ակնկալել, բայց իմ կողմից կոռեկտ չի լինի առանց քառյակի կամ քառյակի ձեւաչափից դուրս ամփոփել եւ գնահատական տալ։ Նորից եմ ասում՝ քառյակը պետք է քննարկի եւ որոշում կայացնի։
Ընդամենը շատ մոտավոր կարող եմ ասել՝ կան հարցեր, որտեղ դրական ընթացք կա, բայց կան բազմաթիվ հարցեր, որտեղ որեւէ առաջընթաց չի գրանցվել։ Կարծում եմ, շուտով քառյակը կհավաքվի՝ օրը չենք որոշել, բայց ենթադրում եմ, որ նիստը չի ուշանա, եւ մեր առաջիկա անելիքների մասին կխոսենք նիստից հետո»»։
Առավել մանրամասն` թերթի այսօրվա համարում
