«Ժամանակ» թերթը գրում է. «Ոչ իշխանական եռյակը երեկ Աբովյանից սկսել է իր հանրահավաքների շարքը, որն ավարտվելու է հոկտեմբերի 10-ինԵրեւանում հայտարարված համապետական հանրահավաքով: Աբովյանում անցկացվող հանրահավաքը լրագրողների համար աչքի է ընկել նախ նրանով, որ մասնակից ժողովրդի մի մասը եկել ու գնացել է Գագիկ Ծառուկյանին պատկանող ավտոբուսներով, ինչը նշանակում է, որ հանրահավաքին համայնապատկեր ապահովելու համար հարկավոր է եղել մասնակիցներ բերել նաեւ այլ տեղերից: Մյուս կողմից, սակայն, մարզային այս հանրահավաքները, անկասկած, այսպես ասած, ընկերական յուրօրինակ խաղեր են պաշտոնական մրցամարտերից առաջ, եւ այս խաղերի ընթացքում փորձարկվում են, այսպես ասած, թիմային օղակների միջեւ կապը եւ այլն, ինչի շրջանակում էլ տեղավորվում է հանրահավաքի ավտոբուսային ապահովումը»։
Առավել մանրամասն՝ թերթի այսօրվա համարում
