«Ժամանակ» թերթը զրուցել է սփյուռքի նախարար Հրանուշ Հակոբյանի հետ։ Հատված հարցազրույցից.
«Տիկին Հակոբյան, ավարտվեց Հայաստան-Սփյուռք համաժողովը: Ընդհանրապես տեսականից գործնական քայլերի անցում արվո՞ւմ է, թե՞ ոչ: Շատ սփյուռքահայեր ասում են, որ այդ դեկլարատիվ մասը լավ է, իսկ գործնականում լինում են շատ բացեր:
Ես կարծում եմ՝ դա բաց էր, երբ չկար Սփյուռքի նախարարությունը, որովհետեւ մարդիկ գալիս, հայտարարում, խոսում գնում էին, բայց որեւէ մեկը չկար, որ այդ բոլորն ամփոփեր ու փորձեր դրանց ընթացք տալ: Իսկ այսօր մենք չորրորդ համաժողովից հետո մեր ամբողջ գործունեությունն ուղորդեցինք այդ բոլոր հարցադրումների իրականացմանը, որն արվեց համաժողովի ընթացքում: Մենք 3 տարի հետո յուրօրինակ հաշվետվություն տվեցինք գիրք տպագրեցինք, որտեղ մեկ-մեկ ասվեց , թե ով ինչ է խոսել, եւ այդ խոսքը ինչպիսի գործնական ծրագրի է վերածվել: Այնպես որ, դրանք այն մարդիկ են խոսում, ովքեր, կարծում եմ, լավատեղյակ չեն: Այսօր հայագետների այս համաժողովը նախեւառաջ ճանաչողական նպատակ ուներ, որովհետեւ շատ հայագետներ են հայտնվում, ովքեր ոչ Հայաստանը գիտեն, ոչ էլ Հայաստանի գիտնականներին են ճանաչում: Սա մեծ հարթակ է, երբ մեկ անգամ Հայաստան գալով կարողանում են գիտական արդյունքների մասին փոխանցել միմյանց: Երրորդ՝ հետագայում ծնվում են նոր ծրագրեր իրականացնելու համար: Այնպես որ, յուրաքանչյուր հավաք ինքնին արդեն կարեւոր նշանակություն ունի եւ, ինչու չէ, նաեւ տուրիզմի զարգացմանն են նպաստում այսպիսի հավաքները, հայրենաճանաչության մեծ նշանակություն ունեն: Ես կարծում եմ՝ որքան մեր հայրենակիցները Հայաստան գան, այնքան մեր գործունեությունը կամ համագործակցությունը առավել կբարելավվի»։
Առավել մանրամասն՝ թերթի այսօրվա համարում
