«Իրավունք» թերթը գրում է. ««Իրավունքը» ՀԴԿ ղեկավար Արամ Գասպարի Սարգսյանից պարզեց` կցանկանա՞ր Գագիկ Ծառուկյանին նախագահի պաշտոնում տեսնել: «Ախր, այդպիսի հարցեր ո՞նց եք տալիս, դա ինքը պետք է որոշի, - ծիծաղելով ասաց Արամ Սարգսյանը: - Ժողովուրդը կորոշի` իրեն տեսնո՞ւմ է նախագահի պաշտոնում, թե` ոչ»:
Դե դուք էլ ժողովրդի մի մասնիկն եք:
Ես կուսակցության ղեկավար եմ: Կուսակցությունը պետք է որոշում կայացնի` ինչ ենք անելու ընտրություններին: Մենք պետք է իմանանք, որ իրենք պատրաստվում են արտահերթ նախագահական ընտրությունների:
Դա հավանական համարո՞ւմ եք:
ԵՏՄ-ի հետ կապված` ասեմ, որ խորհրդարանի փոփոխությունն անհրաժեշտություն է:
Ձեզ համար հասկանալի՞ է` «եռյակն» ինչ ծրագրով է առաջ շարժվում:
Ոչ, ես իրենց ծրագիրը չեմ տեսել: 12 կետը քաղաքական ծրագիր չէ, դա ընդամենը պահանջ է` լուծել այսօրվա խնդիրները:
«Եռյակն» ի՞նչ մեսիջ ուղարկեց հանրությանը` հոկտեմբերի 10-ի հանրահավաքով:
Հանրությանը չէ, իշխանությանը: Էնտեղ հավաքված ժողովուրդն այլ դերակատարություն ուներ: Դրանով «եռյակի» քաղաքական ուժերը ցանկանում էին ասել իշխանությանը, որ եկեք մեզ հետ խոսեք, քանի որ ձեզանից բան ունենք ուզելու:
Այսինքն` «եռյակը» պաշտոնների ակնկալի՞ք ունի:
Ընդհանրական առումով` այո:
Փաստորեն, իշխանության հետ «եռյակը» սակարկություն է անում:
Ինձ թվում է` այո:
Առավել մանրամասն՝ թերթի այսօրվա համարում