Չինաստանում կլոնավորել են գառանը, որի մսի մեջ ձկան յուղ է պարունակվում: Պեն-պեն անունով գառը մարտի 26-ին լույս աշխարհ է եկել Սինցզյան նահանգի գիտական կենտրոնի լաբորատորիայում:
Ինչպես տեղեկացնում է The Daily Telegraph-ը, աշխատանքների ընթացքում գիտնականները էմբրիոնում կլոր ճիճվի գեն են փոխպատվաստել, որը նպաստում է օրգանիզմում ճարպաթթուների առաջացմանը, որոնք պարունակվում են ձկան յուղում եւ ընդեղենի որոշ տեսակներում, գրում է NEWSru.com-ը:
Այդ թթուներն անհրաժեշտ են մարդու առողջության համար, դրանք նվազեցնում են կաթվածի եւ սիրտ-անոթային համակարգի այլ հիվանդությունների վտանգը:
Գիտնականները հայտարարում են, որ ներկայումս կան բոլոր պայմանները ոչխարի նման գենետիկ փոխակերպման համար: