Եվրահանձնաժողովի բանակցություններն Ադրբեջանի հետ Տրանսկասպյան գազատարի վերաբերյալ երաշխիքների շուրջ կարող են ավարտվել 2012թ. կեսերին: Այդ մասին լրագրողներին հայտնել է էներգետիկայի հարցերով եվրահանձնակատար Գյունտեր Էտտինգերը «Ռուսաստան-ԵՄ էներգաերկխոսություն. Գազային գործոն» խորհրդաժողովի կուլուարներում:
Ընդ որում, նա նշել է, թե երաշխիքներ տալը Եվրահանձնաժողովի գործառույթը չէ, նրա խնդիրը աշխատանքի կազմակերպումն է, հաղորդում է RBC-ն:
Տրանսկասպյան գազատարն իրենից ներկայացնում է «Հարավային միջանցքով» գազը Եվրոպա առաքելու խոշորագույն նախագիծ:
2011թ. սեպտեմբերի 12-ին Եվրամիության նախարարների խորհուրդը հավանություն էր տվել Թուրքմենստանի եւ Ադրբեջանի հետ բանակցություններին` Կասպից ծովի հատակով գազատար կառուցելու գաղափարին: Գազատարը շրջանցելու է Ռուսաստանը:
