Համացանցում հայտնվել է Դնեպրոպետրովսկի տրամվայի կանգառում առաջին պայթյունի տեսագրությունը: Տեսագրությունն արվել է արտաքին դիտարկման տեսախցիկներով:
Ըստ նախնական տվյալների` Սերովի փողոցի տրամվայի կանգառում առաջին պայթյունի աղբյուրը եղել է աղբարկղը, հիշեցնում է «Ռոսբալտը»:
Ապրիլի 27-ին Դնեպրոպետրովսկի կենտրոնի մարդաշատ վայրերում պայթյունների շարք էր տեղի ունեցել: Ըստ ԱԻՆ-ի տվյալների` պատահարի հետեւանքով տուժել է 30 մարդ, այդ թվում` 11 դեռահաս:
Ըստ ապրիլի 30-ի տվյալների` Դնեպրոպետրովսկի հիվանդանոցներում շարունակում է մնալ 14 մարդ: Նրանցից 3-ը ծանր վիճակում են, 4-ի վիճակը միջին ծանրության է:
