Թուրքիայի Շանլուրֆա նահանգում Ահմեդ .Ջ.-ն իր հարազատ աղջկան 30 հազար լիրա պարտքի դիմաց տվել է 20-ամյա Մեհմեդ Քարամուսին։

Թուրքական Posta-ի փոխանցմամբ՝ 2012-ի ապրիլի 4-ին 13-ամյա աղջիկը կորել է, սակայն անհանգստության նշաններ ցույց չտվող հոր վերաբերմունքը կասկածներ է հարուցել մոր մոտ եւ նա դիմել է դատախազություն։

Ձեռնարկված միջոցառումների արդյունքում աղջիկը հայտնաբերվել է։ Պարզվել է, որ հայրը նրան 30 հազար լիրա պարտքի դիմաց տվել էր ամուսնացած 20-ամյա Մեհմեդ Քարամուսին։  Ձերբակալված Մեհմեդը պնդել է, թե աղջկան հոր համաձայնությամբ վերցրել է որպես 2-րդ կին։