Ռուսաստանի ԱԻՆ-ը նոր տվյալներ է հրապարակել Դաղստանի մայրաքաղաք Մախաչկալայում տեղի ունեցած պայթյուններից տուժածների մասին` 13 զոհ, 109 վիրավոր:
Ինչպես գերատեսչությունում հաղորդել են «ՌԻԱ Նովոստիին», 83 տուժածներին տեղափոխել են հիվանդանոց, 26-ը տեղում են բուժօգնություն ստացել:
Ուժային կառույցների աղբյուրը հստակեցրել է, որ 83 հոսպիտալացվածներից 21-ը ծանր վիճակում են, 47-ը` միջին ծանրության վիճակում, 15-ը թեթեւ վնասվածքներ են ստացել:
Պայթյունների ընթացքում 19 մեքենաներ են վնասվել, այդ թվում` մեկ հրշեջ մեքենա եւ ՃՊԾ երեք մեքենաներ: Վնասվել է ցածր ճնշման գազատար:
