Թուրքիայի Սամսուն քաղաքի համալսարանում Սպորտի եւ երիտասարդության հարցերով նախարարի այցի դեմ ուսանողների կազմակերպված բողոքի ցույցը դաժանորեն ցրվել է ոստիկանների կողմից։
Թուրքական Hurriyet-ի փոխանցմամբ՝ համալսարանում կազմակերպված բողոքի ցույցին մասնակցող ուսանողների վրա հարձակվել են նախ համալսարանի անվտանգության աշխատակիցները, որից հետո ոստիկանության ուժերը։
Ոստիկանները բողոքին մասնակցող ուսանողուհիներին ծեծել են եւ մազերից բռնած քարշ տվել։
Ոստիկանությունը ձերբակալել է 20-ից ավել ուսանողի։