Բաղրամյան փողոցի վրա գտնվող «Կայոտ» կարաոկե-ակումբում թեժ գիշեր է եղել: Այսօր՝ մայիսի 4-ի գիշերը ժամը 4-ի սահմաններում մի խումբ երիտասարդներ վիճաբանել են, ինչը վերածվել է ծեծկռտուքի: NEWS.am-ի աղբյուրի փոխանցմամբ, երիտասարդներից մեկը մարմնական վնասվածքներով տեղափոխվել է հիվանդանոց: Իսկ մյուսները բերման են ենթարկվել ոստիկանություն:
Ոստիկանությունից չհերքեցին, որ միջադեպ է տեղի ունեցել նշված ակումբում եւ նշեցին, որ գործով կատարվում է հետաքննություն: «Կայոտ» կարաոկե-ակումբից մեկնաբանություններ ստանալ չհաջողվեց: