2011 թ. Հայաստանի մակրոտնտեսական ցուցանիշներն, ինչպես նաեւ դրամավարկային ու հարկաբյուջետային քաղաքականությունների կոորդինացումը բարձր են գնահատվել միջազգային կազմակերպությունների կողմից: Այդ մասին այսօր` մայիսի 17-ին կառավարության նիստում հայտարարեց ՀՀ վարչապետ Տիգրան Սարգսյանը: Որպես արդյունք` Արժույթի միջազգային հիմնադրամի հետ մայիսին բանակցություններն ընթացել են առանց որեւէ խնդիրների, իսկ հայաստանյան ծրագրերը ստացել են հավանություն: «2011 թ. մեր մակրոտնտեսական կայունությունը ամրապնդվել է, ապահովելու ենք տնտեսական աճի շարունակման քաղաքականություն»,- ասաց Տ. Սարգսյանը:
Նա նաեւ հիշեցրեց, որ «Մուդիս» միջազգային վարկանշային գործակալությունը ընտրություններից հետո նույնպես դրական է գնահատել Հայաստանի իրավիճակը:
