Թերթը գրում է, որ ՀՀԿ համամասնական ցուցակից 69 ինքնաբացարկից բացի, եւս երեք հավանական ինքնաբացարկի դեպքում պատգամավոր կդառնան նաեւ Հովհաննես Սահակյանը, Կարինե Հարությունյանը եւ Սուքիաս Ավետիսյանը:
«Ըստ այդմ` նոր խորհրդարանում այլեւս չեն լինի գործող պատգամավորներ Լեռնիկ Ալեքսանյանը, Վազգեն Կարախանյանը, Ռաֆիկ Պետրոսյանը եւ ԱԺ ՀՀԿ խմբակցության քարտուղար Գագիկ Մելիքյանը: Բայց, ինչպես երեւում է, օրինակ, Գագիկ Մելիքյանը խորհրդարան անցնելու հույսը չի կորցրել:
Մեզ հետ զրույցում նա հորդորեց սպասել եւս երկու օր, որ ամեն ինչ պարզ լինի: «Ամեն ինչ շատ լավ է»,- ընդգծեց Մելիքյանը եւ հավելեց, որ խնդիրը դեռ վերջնականապես լուծված չէ, ուստի հարկավոր չէ շտապել: Նա չի բացառում, որ ինքը եւս կանցնի խորհրդարան»,- գրում է թերթը:
