Թերթի տեղեկություններով՝ արդեն հստակ է, թե ովքեր են լինելու ԱԺ խմբակցությունների ղեկավարները: Այսպես` ՀՀԿ խմբակցության ղեկավարը չի փոխվելու, այն դարձյալ կղեկավարի ՀՀԿ փոխնախագահ Գալուստ Սահակյանը:
Թեեւ ԲՀԿ խմբակցության ղեկավարը կուսակցության նախագահ Գագիկ Ծառուկյանն է, սակայն խմբակցությունը փաստացի կղեկավարի Վարդան Օսկանյանը, ով կդառնա ԲՀԿ խմբակցության քարտուղարը, եթե, իհարկե, ԲՀԿ-ն կոալիցիայի մաս չկազմի: ՕԵԿ-ը կղեկավարի Հեղինե Բիշարյանը:
Հարցը բարդ է ՀԱԿ-ում. ՀԱԿ համակարգող Լեւոն Զուրաբյանի` խորհրդարանական խմբակցության ղեկավար դառնալուն դեմ է Ստեփան Դեմիրճյանը: Ասում են` նա ղեկավար դառնալու մեծ ցանկություն ունի:
«Ժառանգություն»-ում եւս տարբերակները երկուսն են. Րաֆֆի Հովհաննիսյանը ցանկանում է, որ խմբակցությունը ղեկավարի Ռուբեն Հակոբյանը, ինչին կտրականապես դեմ են «Ազատ դեմոկրատները»` խմբակցության ղեկավարի նրանց թեկնածուն Խաչատուր Քոքոբելյանն է:
ՀՅԴ խմբակցության ղեկավարի հարցում դեռ վերջնական որոշում չկա:
