Թերթը գրում է, որ երեկ Շիրակի մարզում բացահայտվել է դրամանենգության դեպք:
«Մեզ հասած տեղեկություններով, Շիրակի ոստիկանները ձերբակալել են Գյումրիի երկու բնակչի, ովքեր տեւական ժամանակ կեղծ հինգ հազար դրամանոցներ են «թողարկել» տպիչով եւ շրջանառության մեջ դրել: Պարզվել է, որ 31տարեկան ոմն Բագրատ, ով տաքսու վարորդ է, եւ 42-ամյա ոմն Մկո համակարգչով նկարել են 5 հազարանոց թղթադրամներ, ապա տպել ու շրջանառության մեջ դրել:
Կեղծ թղթադրամները նրանք իրացրել են փոքր խանութներում, կրպակներում ու ճանապարհային առեւտրի կետերում, որպեսզի ստուգելու հնարավորություն չլինի: Ըստ մեր աղբյուրի, նրանք տեւական ժամանակ բավականին պատկառելի քանակի կեղծ թղթադրամներ են իրացրել»,- գրում է «Հրապարակը»: