Մայիսին սովորաբար տեղի են ունենում փոխարժեքի տատանումներ: Այդ մասին, այսօր` մայիսի 29-ին, լրագրողների հետ հանդիպման ժամանակ հայտարարեց Երեւանի պետական համալսարանի տնտեսագիտության ֆակուլտետի ֆինանսահաշվային ամբիոնի վարիչ Հայկ Մնացականյանը: Նրա խոսքով` Հայաստանի ֆինանսական շուկայում փոխարժեքի վերջին տատանումները պայմանավորված են միջազգային շուկայում դոլարի ամրապնդմամբ եւ Հայաստանի ներքին շուկայում սեզոնայնության ազդեցությամբ:
Նրա կարծիքով` հուլիսից սկսած արտաքին գործոնների ազդեցությունը կթուլանա` կապված նավթի ֆյուչերսային գների աճի հետ:
Տնտեսագետը կարծիք հայտնեց, որ փոխարժեքի արժեզրկումը դրական է անդրադառնում արտահանման վրա: Բացի այդ` շատ հայաստանցիներ շահում են, քանի որ դրսից ստացած տրանսֆերտներն ավելի բարձր փոխարժեքով են իրացնում:
