Փոթսդամի համալսարանը եւ «Լեփսիուսի տունը» («Lepsiushaus») Ցեղասպանությունն ուսումնասիրելու վերաբերյալ համաձայնագիր են ստորագրել ընթացիկ ծրագրերի հետագա ակտիվացման մասին, հաղորդում է «Asbarez»-ը:
1908-1926 թվականներին «Lepsiushaus»-ը գերմանացի մեծ հումանիստ, փիլիսոփա եւ հատմաբան Յոհանես Լեփսիուսի տունն է եղել: Նա հայտնի է Հայոց ցեղասպանության ժամանակ եւ դրանից հետո հայերի իրավունքների համար պայքարով:
Սառը պատերազմի ժամանակ Արեւելյան Գերմանիայում գտնվող այս տունը դատարկ է մնացել: Վերջին տարիներին այն վերանորոգվել է Գերմանիայի մշակույթի նախարարության կողմից:
2011 թվականին «Լեփսիուսի տունն» իր դռները բացել է արդեն որպես հետազոտական կենտրոն, որը զբաղվում է Ցեղասպանության ուսումնասիրությամբ:
