«Ակցեռն» անշարժ գույքի գործակալության տնօրեն Հակոբ Բաղդասարյանի գնահատմամբ` ներկայումս Հայաստանի անշարժ գույքի շուկայում պահպանվում է կայուն ծանր իրավիճակը: Այդ մասին գրում է «Հայացք» թերթը:
«Ըստ նրա` «անշարժ գույքի շուկայում ունենք պահանջարկի անկում, բայց որքան էլ զարմանալի է` դա գների անկման վրա չի ազդել: Սա պայմանավորված է նրանով, որ կառուցապատման ծավալների ավելացում չունենք, շինանյութի գների նվազում չկա, հակառակը` որոշակի ավելացում կա, եւ մյուս բնագավառներում էլ նվազում չունենք»: Մեկնաբանելով տարածաշրջանում ստեղծված իրավիճակը`Հ. Բաղդասարյանը նշում է, որ թե Իրանից, թե Սիրիայից դեռեւս չկա մարդկանց այնպիսի ներհոսք, որը կարողանար ազդել անշարժ գույնքի պահանջարկի վրա»,- գրում է «Հայացքը»:
