Հայաստանի ԱԳ նախարար Էդվարդ Նալբանդյանն, այսօր` հունիսի 15-ին, աշխատանքային ճաշ է ունեցել Երեւանում հավատարմագրված Եվրոպական Միության անդամ երկրների դեսպանների եւ ԵՄ պատվիրակության ղեկավարի հետ:
ԱԳՆ մամուլի ծառայությունից NEWS.am-ին հայտնում են, որ հանդիպմանը քննարկվել են Հայաստան-Եմ համագործակցության ներկա ընթացքն եւ նախատեսվող բարձր մակարդակի շփումներն ու ձեռնարկվելիք քայլերը:
Հայաստանի արտգործնախարարն եվրոպացի դեսպաններին է ներկայացրել անցյալ շաբաթ Հայաստանի սահմանին ու Լեռնային Ղարաբաղի հետ շփման գծում Ադրբեջանի կազմակերպած սադրիչ դիվերսիոն գործողությունների արդյունքում ստեղծված իրավիճակը:
Զրուցակիցները մտքեր են փոխանակել մի շարք տարածաշրջանային խնդիրների շուրջ: