Նիգերիայի հյուսիսային Կադունա նահանգում հունիսի 17-ին քրիստոնեական երեք եկեղեցի է պայթեցվել:
Ինչպես հաղորդում է Associated Press-ը, երկու պայթյուն որոտացել է Զարիյա քաղքում, մեկը` Կադունայում: Զոհերի եւ վիրավորների մասին առայժմ տվյալներ չկան, սակայն, ըստ Կարմիր խաչի աշխատակիցների, տուժածների հոսքը հիվանդանոցներ չի դադարում:
Ահաբեկչության պատասխանատվությունը դեռեւս ոչ ոք չի ստանձնել, սակայն հիմնական կասկածյալը արմատական «Բոկո Հարամ» խմբավորումն է, որը վերջին ամիսներին ահաբեկչության թիրախ է ընտրել քրիստոնեական եկեղեցիները:
