Ռումինիայի վարչապետ Վիկտոր Պոնտային մեղադրել են գրագողության մեջ:
Ըստ Nature հրատարակչության տվյալների` Վիկտոր Պոնտայի դոկտորական ատենախոսության կեսից ավելին ուրիշից վերցված տեքստ է`առանց աղբյուրի հիշատակման:
Պոնտայի դոկտորական ատենախոսությունը, որը պաշտպանել է 2003 թվականին, նվիրված է Միջազգային քրեական դատարանի աշխատանքին:
Պոնտան անձամբ կտրականապես հերքում է գրագողության մեղադրանքները եւ պատրաստ է «ցանկացած ստուգում անցնել», հայտնում է«Ռոսբալտը»:
Իր հերթին ռուսական Գերագույն որակավորման հանձնաժողովի ռումինական տարբերակի ղեկավար Մարիուս Անդրուխն ընդգծել է, որ «գրագողության ապացույցները բավարար են»:
Վիկտոր Պոնտան զբաղեցրել է Ռումինիայի վարչապետի պաշտոնը 2012 թվականի ապրիլի վերջին: Փորձագետները կարծում են, որ գրագողության համար Վիկտոր Պոնտային սպառնացող հրաժարականը կարող է հանգեցնել Ռումինիայում քաղաքական նոր ճգնաժամի: