Հայաստանի կառավարությունն այսօր` հունիսի 22-ի նիստում, Էդգար Ղազարյանին նշանակեց Հայաստանի Հանրապետության Վայոց ձորի մարզպետ:

Ավելի վաղ NEWS.am-ը հայտնել էր, որ Հանրապետական կուսակցության գործադիր մարմինի նիստում Վայոց Ձորի մարզպետի պաշտոնում ԲՀԿ-ական Սերգեյ Բագրատյանի փոխարեն առաջադրվել է ՀՀԿ Ջերմուկի տարածքային կառույցի ղեկավար Էդգար Ղազարյանը:

ՀՀ վարչապետ Տիգրան Սարգսյանը շնորհավորեց նորանշանակ մարզպետին եւ ցանկացավ բեղմնավոր աշխատանք մարզում եւ հաջողություններ: