Եթե Ազգային ժողովը հետաքրքիր է դարձել, դա Հայ ազգային կոնգրեսի շնորհքն է, քանի որ իշխանությունները նույնն են մնացել: Այս մասին, այսօր` հունիսի 22-ին, մամուլի ասուլիսում նշեց ՀԱԿ խմբակցության պատգամավոր, նախկին վարչապետ Հրանտ Բագրատյանը, հավելելով, որ իշխող քաղաքական ուժն ի վիճակի չէ ճիշտ պետություն կառուցել:
Անդրադառնալով ՀՀԿ ցուցակով պատգամավոր դարձած Խոսրով Հարությունյանի այն հայտարարությանը, թե ՀՀՇ-ի իշխանության տարիներին վարչապետի պաշտոնից ազատվելու դիմում է գրել իշխանության պատճառով, Բագրատյանը նշեց, որ վերջինիս աշխատանքից ազատել է երկրի նախագահը` վատ աշխատանքի հետեւանքով: