Հունիսի 25-ին, ժամը 10.30-ին, ոստիկանության Բազումի բաժանմունքի ծառայողները իր բնակարանից բերման են ենթարկել 37-ամյա Մխիթար Ղազինյանին, որը հունիսի 21-ից հետախուզվում էր գողության մեղադրանքով:
Ոստիկանության լրատվության վարչությունից հայտնում են, որ հունիսի 25-ին, ժամը 11.30-ին, ոստիկանության Մասիսի բաժնի Նորաբաց գյուղից բաժին բերման է ենթարկվել 31-ամյա Կարեն Բաբայանը, որը հունիսի 22-ից հետախուզվում էր դիտավորությամբ առողջությանը ծանր վնաս պատճառելու մեղադրանքով:
Ոստիկանության «Զվարթնոց» օդանավակայանի գծային բաժնի ծառայողների բացատրական աշխատանքների շնորհիվ, հունիսի 25-ին, ժամը 12.50-ին, կամավոր գծային բաժին է ներկայացել Երեւան քաղաքի 45-ամյա մի բնակիչ, որը 1996 թ. հունիսի 8-ից ոստիկանության Կենտրոնականի բաժնի կողմից հետախուզվում էր ավազակության մեղադրանքով:
Հունիսի 25-ին, ժամը 13.30-ին, ձեռնարկված օպերատիվ հետախուզական միջոցառումների շնորհիվ ոստիկանության Վայքի բաժնի ծառայողները Երեւան քաղաքի Նոր Արեշի 50-րդ փողոցից բերման են ենթարկել 45-ամյա Արմեն Հովսեփյանին, որը հունիսի 21-ից հետախուզվում էր խարդախության մեղադրանքով:
Հունիսի 25-ին, ժամը 15.30-ին, ոստիկանության Էրեբունու բաժնի ծառայողները Սեբաստիա փողոցի թիվ 120 հասցեի մոտից բերման են ենթարկել 31-ամյա Էդգար Ավետիսյանին, որը հունիսի 19-ից հետախուզվում էր խարդախության մեղադրանքով:
Հունիսի 26-ին, ժամը 00.30-ին, ոստիկանության Մարաշի բաժանմունքի ծառայողները Խորենացի փողոցի թիվ 14 շենքի հարեւանությամբ գտնվող «Հանդիպում» սրճարանի մոտից բերման են ենթարկել 30-ամյա Զավեն Մարկոսյանին, որը հունիսի 25-ից հետախուզվում էր խարդախության մեղադրանքով: