«Զվարթնոց» օդանավակայանի գծային բաժնում, հունիսի 29-ի գիշերը ժամը 02:40-ին, մի տղամարդուց հաղորդում է ստացվել, որ նույն օրը Երեւան-Օդեսա չվերթով իր հարսին ճանապարհելիս, հաշվառում անցնելու ընթացքում, հաշվառման աշխատակիցն իրենց 17 կգ հավելյալ քաշի համար պահանջել եւ ստացել է 15.000 դրամ:
Ձեռնարկված միջոցառումների շնորհիվ պարզվել է, որ աշխատակիցը «Զվարթնոց» օդանավակայանի հաշվառման բաժնի վերահսկիչ, 29-ամյա Արմենակ Ս.-ն է, որը բերման է ենթարկվել:
Ոստիկանության «Զվարթնոց» օդանավակայանի գծային բաժնի քննչական բաժանմունքում հարուցվել է քրեական գործ ՀՀ քրեական օրենսգրքի 200 հոդվածի 1-ին մասի հատկանիշներով:
Կատարվում է նախաքննություն: