Քենիայում քրիստոնեական երկու եկեղեցիների վրա կատարված ահաբեկչության արդյունքում զոհերի թիվը հասել է 16-ի: Այդ մասին հաղորդում է BBC Russian-ը` վկայակոչելով Միջազգային Կարմիր Խաչի Քենիայի ստորաբաժանման տվյալները:
Վիրավորների թիվը հասնում է մոտ 40 –ի:
Ինչպես տեղեկացրել էր NEWS.am –ը, Քենիայի Գարիսա քաղաքում հուլիսի 1-ին քրիստոնեական երկու եկեղեցի է գնդակոծվել, որի արդյունքում զոհվել է 10 մարդ, եւս 40-ը վիրավորվել են: Առաջին ահաբեկչությունը կատարվել է կաթոլիկ եկեղեցում, իսկ երկրորդը` Քենիայի Աֆրիկական եկեղեցում (African Inland Church, AIC):
Նշվում է, որ Գարիսան կարեւոր ռազմաբազա է, որտեղից համալրվում է Սոմալիում Քենիայի ռազմական կոնտինգենտը:
