Ֆրանսիացի Մարկ Բրյունեն հանուն համերաշխության նոր նախաձեռնություն է սկսել. նա հեծանվով պետք է անցի 5000 կմ` Վալանսից Երեւան` նպատակ ունենալով միջոցներ հավաքել 1988 թ. Սպիտակի երկրաշարժից տուժած դպրոցի համար, տեղեկացնում է «lintervieweb.blogspot.fr» կայքը:
«Շիրակամուտ բնակավայրը լրջորեն տուժել է երկրաշարժից: «Հույս Հայաստանի համար» ՀԿ-ի հետ համագործակցաբար մենք որոշել ենք գումարներ հավաքել Շիրակամուտի դպրոցի վերականգնման եւ կահավարման համար: Մենք ծրագրում ենք 25 հազ. եվրո հավաքել, այսօր արդեն ունենք 8 հազ. եվրո: Դա լավ սկիզբ է»,-ասել է Մարկ Բրյունեն:
Նա Վալանսից դուրս է եկել հունիսի 21 -ին, նախատեսում է Երեւան հասնել հոկտեմբերի 1-ին: Նա կանցնի 10 երկրով` Շվեյցարիայով, Գերմանիայով, Ավստրալիայով, Սլովակիայով, Ռումինիայով, Մոլդովայով, Ուկրաինայով, Ռուսաստանով, Վրաստանով` Հայաստան հասնելու համար:
