Առայժմ վաղ է խոսել Երեւանի 1-ին եւ Գյումրիի 35-րդ ընտրատարածքներում թեկնածուներ առաջադրելու մասին, քանի որ զարգացումները կարող են փոխվել: Այդ մասին խորհրդարանում այսօր` սեպտեմբերի 14-ին ճեպազրույցի ընթացքում հայտնել է ընդդիմադիր ՀԱԿ խմբակցության քարտուղար Արամ Մանուկյանը:
Ըստ Մանուկյանի, Ռուբեն Հայրապետյանը կարող է պատգամավորական մանդատից հրաժարվելու դիմումը հետ վերցնել, եւ այդ դեպքում առաջին ընտրատարածքում ընտրությունների անցկացման անհրաժեշտությունը վերանում է:
Ինչ վերաբերում է նրան, որ խորհրդարանում «Ժառանգություն» կուսակցության առաջնորդ Րաֆֆի Հովհաննիսյանին կփոխարինի Թեւան Պողոսյանը, այստեղ էլ ամեն ինչ միանշանակ չէ. հնարավոր է, պատգամավոր դառնա Ստեփան Սաֆարյանը, ինչը կարող է ազդել 1-ին ընտրատարածքի վերաբերյալ ՀԱԿ- որոշման վրա:
Լուսանկարը` Սոնա Բարսեղյանի