Հայաստանի նախագահ Սերժ Սարգսյանի այսօր` հոկտեմբերի 16-ին կայացրած որոշմամբ` գեներալ-մայոր Լյովա Մնացականյանը նշանակվել է ՀՀ զինված ուժերի գլխավոր շտաբի պետի տեղակալ: Այդ մասին հայտնում են նախագահի մամուլի գրասենյակից:
Հիշեցնենք, որ Սերժ Սարգսյանի սեպտեմբերի 6-ի հրամանագրով, գեներալ-լեյտենանտ Արշալույս Փայտյանն ազատվել էր ՀՀ ԶՈՒ գլխավոր շտաբի պետի տեղակալի պաշտոնից:
Փայտյանը սպառազինության, գնումների գծով պատասխանատուն էր եւ իրականացնում էր մի շարք կարեւոր գործառույթներ կապված ֆինանսական այլ հարցերի հետ:
Լյովա Հենրիխի Մնացականյանը ծնվել է 14.09.1965թ.-ին ԼՂՀ Ասկերանի շրջանում:
1983-1985 թթ. ծառայել է ԽՍՀՄ զինված ուժերում:
1989թ. ավարտել է Երևանի պոլիտեխնիկական ինստիտուտը:
2005թ. ավարտել է ՌԴ ԶՈւ ԳՇ ռազմական ակադեմիան:
1992-94թթ. մասնակցել է մարտական գործողություններին:
1992թ.-ից զբաղեցրել է տարբեր հրամանատարական պաշտոններ Զինված ուժերում:
2003թ. շնորհվել է «գեներալ-մայոր» զինվորական կոչում:
2005թ. նշանակվել է ԼՂՀ ՊԲ հրամանատարի տեղակալ:
2007թ. նշանակվել է ԼՂՀ ՊԲ շտաբի պետ-հրամանատարի առաջին տեղակալ:
Պարգևատրվել է
«Վարդան Մամիկոնյան», ԼՂՀ «Մարտական խաչ» I, ՀՀ «Մարտական խաչ» II աստիճանի, «Մարշալ Բաղրամյան», «Անդրանիկ Օզանյան», այլ պետական ու գերատեսչական շքանշաններով և մեդալներով:
Ամուսնացած է, ունի 3 որդի: