Ավստրալիայի Նոր Հարավային Ուելս նահանգի կողմից Լեռնային Ղարաբաղի անկախության ճանաչման գործընթացը ծիծաղելի է: Այդ մասին այսօր` հոկտեմբերի 30-ին մամուլի ասուլիում ասաց քաղաքագետ Արմեն Աղայանը եւ ընդգծեց, որ ինքը քմծիծաղով է վերաբերում նման որոշումներին:
«Լավ կլինի մենք էլ քաղաքավարի գտնվենք եւ պատասխան ճանաչում կազմակերպենք ենթադրենք Երեւանի, կամ Համզաչիմանի ավագանիում եւ ճանաչենք այդ Հարավային Ուելս նահանգի անկախությունը: Իսկ, եթե ավելի լուրջ` իրականում, ոչ մի ճանաչում էլ միջազգային իրավունքի ճանաչման տեսակետից, բնականաբար, չի եղել եւ չէր էլ կարող լինել»,- նշեց քաղաքապետը եւ առաջարկեց պատկերացնել, որ Երեւանի ավագանին սկսի զբաղվել Միացյալ նահանգների ինչ-որ մի խնդրով: Նրա համոզմամբ, Ավստրալիայի Նոր Հարավային Ուելսին այդ քայլին դրդել են հայ դատի մարմինները:
