«Խոզի գրիպի»՝ A/H1N1 վարակի նշաններ են հայտնաբերվել ՄԱԿ-ի դրոշի տակ անցկացվող սեմինարի 37 մասնակիցների մոտ, որ հավաքվել էին Թբիլիսիի մերձակայքում գտնվող Ցխնեթի բնակավայրում:
Ինչպես հաղորդում է Գրուզիա Online-ը, նախօրեին՝ հունվարի 28-ին վարակվածները բարձր ջերմությամբ տեղափոխվել են Թբիլիսիի ինֆեկցիոն հիվանդանոց:
Սեմինարի մասնակիցները մեկը դեռ մնում է հիվանդանոցում, մյուսները բուժումը ստանում են տնային պայմաններում:
Հիվանդները դեռ պետք է հետազոտություն անցնեն՝ վարակի լաբորատոր հաստատման համար: Վարակվածների մեծ մասը Ախալցխայի եւ Քվեմո Քարթլիի բնակիչներ են:
Հիշեցնենք, որ «խոզի գրիպից» Վրաստանում մահացել է 27 մարդ: Այսօրվա դրությամբ երկրում գրանցվել է վարակման 1247 դեպք: