ՌԴ կառավարությունը դաշնային բյուջեից մինչեւ 10 մլն դոլար կհատկացնի՝ որպես կամավոր, նպատակային ներդրում ՄԱԿ-ի Պարենի համաշխարհային ծրագրի հիմնադրամում՝ Հայաստանում 2013-2015թթ. կայուն դպրոցական սնունդ համակարգը զարգացնելու նպատակով:
Հայաստանում ԱՊՀ երկրների գործերով Դաշնային գործակալության ներկայացուցչության մամուլի ծառայությունը հայտնում է, որ ծրագրի իրականացման շրջանակում ենթադրվում է մինչեւ 5508 տ ռուսական արտադրության սննդամթերքի մատակարարում, ինչպես նաեւ տեխնիկական աջակցության տրամադրում Հայաստանի Հանրապետության կառավարությանը:
Ռուսաստանի եւ ՄԱԿ-ի Պարենի համաշխարհային հիմնադրամի «Դպրոցական սնունդ» համատեղ ծրագրի մեկնարկը Հայաստանում տրվել է 2010թ.: Ծրագրի երկրորդ փուլը կիրականացվի նաեւ Ռուսաստանի Գյուղատնտեսության նախարարության մասնակցությամբ: Հիշեցնենք, որ դպրոցական սնունդով է ապահովվում 50 հազար հայ դպրոցական: Սննդի մատակարարումն իրականացնում է ռուսական Հացահատկի միավորված ընկերությունը: