Փարիզում, այսօր՝ հունվարի 13-ին, սկսվել է Ռուսաստանի եւ ԱՄՆ-ի արտաքին գերատեսչությունների ղեկավարներ Սերգեյ Լավրովի եւ Ջոն Քերրիի բանակցությունները:
Նրանց հանդիպման ժամանակ Ջոն Քերրին իր ռուս գործընկերոջը երկու կարտոֆիլ է նվիրել, որը պատվիրակության անդամների ծիծաղի առիթ է դարձել:
ԱՄՆ պետքարտուղարը ռուս նախարարին կարտոֆիլ է նվիրել
Իրենց հերթին, ռուս դիվանագետները ԱՄՆ պետքարտուղարության պաշտոնական ներկայացուցիչ Ջենիֆեր Փսաքիին վարդագույն ականջավոր գլխարկ են ներկայացրել:
Ռուսաստանի ԱԳՆ տեղեկատվության դեպարտամենտի փոխտնօրեն Մարիա Զախարովան Facebook-ի իր էջում գրել է, որ «բոլորը գոհ են»: Այդ մասին է վկայում լուսանկարը, որը Փսաքին տեղադրել է իր Twitter-ում:
Պետքարտուղարության ղեկավարը շնորհակալություն է հայտնել, որ իրեն հնարավորություն են տվել «նախապատրաստվել ձմեռային Օլիմպիադային», իսկ Սերգեյ Լավրովն, իր հերթին, խոստացել է Քերրիի նվիրած կարտոֆիլից օղի չթորել, հաղորդում է Vesti-ն: