Ուկրաինայի Դոնեցկի մարզի Մարիուպոլ քաղաքում, մայիսի 9-ին տեղի ունեցած իրադարձությունների ժամանակ գլխին ստացած հարվածից հայ է մահացել: Այս մասին NEWS.am-ի թղթակցի հետ զրույցում նշել է Հայ Առաքելական եկեղեցու Դոնբասի հոգեւոր թեմի առաջնորդ Տեր Հուսիկ Նուրիջանյանը:
Հոգեւոր առաջնորդի խոսքով՝ զոհված հայի մարմինը պետք է տեղափոխեն Հայաստան հուղարկավորության համար: Նուրիջանյանը նշել է, որ Մարիուպոլում զոհված հայի անունը Գառնիկ Արզումանյան է` 1967 թվի ծնված:
Հիշեցնենք, որ մայիսի 9 - ի առավոտյան Մարիուպոլ ներխուժած Ուկրաինայի Ազգային Գվարդիայի ստորաբաժանումը կրակ է բացել Կարմիր Դրոշների ներքո Հաղթանակի օրը նշող միջոցառման մասնակիցների վրա: Դրանից հետո փոխհրաձգություն է սկսվել: Ընդհանուր առմամբ 9 մարդ է զոհվել` այդ թվում 7-ը խաղաղ բնակիչ: Ազգային գվարդիան ստիպված էր լքել քաղաքը: Ներկա պահին այն վերահսկվում է Դոնեցկից ժամանած ռուսամետ զինյալների խմբավորման կողմից: