Էլիստայում դիմակավորված անհայտ անձինք անցյալ գիշեր այրել են քաղաքի միակ մզկիթը, հայտաարարել է հանրապետության մուֆթիի տեղակալ Ասլուդին Կալաբեգովը:
Նրա խոսքով՝ գիշերը ժամը մեկի շրջակայքում առանց համարանիշերի երկու ավտոմեքենա է մոտեցել մզկիթին:
«Ավտոմեքենայից երկու դիմակավորված անձինք են դուրս եկել, մզկիթի ներս նետել հրավտանգ խառնուրդով շշեր, որի արդյունքում կրակ է բռնկվել: Կրակը ամբողջովին ոչնչացրել է մզկիթի ներքին մասը՝ ներառյալ գորգերը, օդորակիչները, պատուհանները», - IslamNews է պատմել Ասլուդին Կալաբեգովը:
Նրա խոսքով՝ տեղական համայնքը օրերս էր ավարտին հասցրել համայնքի միջոցների հաշվին մզկիթի ներքին վերանորոգումը: Նոր գորգերն ուղարկել էին Դաղստանի իրենց հավատակիցները:
Մուֆթիի տեղակալը դժվարացել է նման ծայրահեղական ակցիայի պատասխանատուների մասին որեւէ ենթադրություն անել:
Միեւնույն ժամանակ, նա հայտարարել է, որ մուսուլմանների նկատամամբ սադրանքները պարբերական բնույթ են կրում«2001թ. Պրիկումսկ գյուղի մզկիթ էին նետել խոզի գլուխ, 2008թ.-ին մուֆթիի վրա էին հարձակվել, ավիրել են անեւ Սարպինսկ շրջանի մզկիթը, իսկ հիմա մերն մզկիթն են այրում» - պատմել է Կալաբեգովը:
